Zyrtarët e lartë të Bashkimit Evropian (BE), Ursula von der Leyen dhe Antonio Costa, kanë deklaruar se e ardhmja e Serbisë qëndron në Bashkimin Evropian, por me kusht që Beogradi të bëjë përparim në reformat që lidhen me liritë e mediave, luftën kundër korrupsionit dhe zgjedhjet.
Edhe Von der Leyen, Presidente e Komisionit Evropian edhe Costa, President i Këshillit Evropian, kanë publikuar në rrjetin “X” se kishin një “takim të rëndësishëm” me presidentin serb Aleksandar Vuçiq në Bruksel.
“Serbia duhet të japë reforma në lidhje me rrugën drejt BE-së, veçanërisht të ndërmarrë hapa vendimtarë drejt lirisë së mediave, luftës kundër korrupsionit dhe reformës zgjedhore. E ardhmja e Serbisë është në BE”, ka shkruar Von der Leyen.
Costa ka shkruar një mesazh pothuajse identik, duke thënë se ata diskutuan për nevojën për të kryer reformat në lidhje me anëtarësimin në BE”.
“Nevojitet përparim në fushat e lirisë së mediave, luftës kundër korrupsionit dhe reformës zgjedhore. Arritjet e prekshme në këto fusha prej të cilave populli serb mund të përfitojë drejtpërdrejt janë të arritshme”, ka shkruar Costa.g.e.
