Presidenti i Serbisë, Aleksandar Vuçiq, duke folur në një forum “E ardhmja, jo e shkuara”, ka akuzuar opozitën atje se po marrin para nga jashtë për “të përfunduar gjithçka me Kosovën”.
Komentet e tij vijnë në mes protestave të organizuara nga studentët universitarë dhe opozitës në Serbi për vdekjet që u shkaktuar nga rënia e një strehe betoni në stacionin hekurudhor në Novi Sad.
Më pas Vuçiq tha se derisa ai të jetë president dhe derisa të jetë kjo qeveri nuk do të ketë njohje të pavarësisë së Kosovës, shkruan Danas.
“Ne kemi vetëm një Serbi, vetëm një atdhe dhe nuk do t’ia japim askujt, as Kosovës, as Serbisë në tërësi, askujt, as atyre që paguhen nga jashtë, as kujtdo”.
“Kur sheh sa para u kanë ardhur partive politike opozitare në Proglas direkt nga jashtë dhe nuk ka asgjë, djathë falas ka vetëm në kurthin e miut. Për ato para duhet të bësh punët e pista dhe kur ta bësh, atëherë do të jesh mirë me ta”, tha Vuçiq.
Ai tha se të fuqishmit nga jashtë, të cilët, sipas tij, nuk janë nga rajoni, kanë nevojë për këtë “punë të pistë për disa arsye”. shkruan gazeta express.“E para është se ata po përpiqen të përfundojnë gjithçka për Kosovën sa më shpejt që të jetë e mundur dhe e shohin që sa të jem unë president dhe derisa të jetë kjo qeveri, ne nuk do ta njohim pavarësinë e saj me asnjë çmim. Nuk u duhet sepse i duan shumë shqiptarët dhe i urrejnë shumë serbët, por që t’i thonë Putinit të mos i referohet precedentit të Kosovës kur flet për Khersonin, Zaporizhzhian dhe Krimenë, sepse kanë bërë një marrëveshje dypalëshe mes Beogradit dhe Prishtinën”, tha Vuçiq.
