Presidenti i Republikës së Serbisë, Aleksandar Vuçiq, priti në takim Ndihmës Sekretarin e Përgjithshëm të OKB-së për Evropën, Azinë Qendrore dhe Amerikën, Miroslav Jença, transmeton Kosova Post.
Vuçiq tha se me Jança diskutuam hapur për rolin e OKB-së në ruajtjen e paqes në rajon e më gjerë.
Vuçiq gjatë diskutimeve edhe është ankuar siç pretendon ai ndaj lëvizjeve të njëanshme të Kosovës.
“Diskutuam hapur me Miroslav Jença për rolin e OKB-së në stabilizimin e kushteve dhe ruajtjen e paqes në rajon, por edhe në nivel global. E njoftova në detaje bashkëbiseduesin e respektuar për situatën në Kosovë dhe shpreha shqetësimin tim për vazhdimin e lëvizjeve të njëanshme të Prishtinës, të cilat kanë për qëllim presionin e vazhdueshëm ndaj popullatës serbe, me shkelje të rëndë të të gjitha të drejtave që përfaqësojnë vlerat themelore të vetë Kombeve të Bashkuara”, ka shkruar Vuçiq në llogarinë e tij në Instagram ‘e ardhmja e Serbisë’ dhe ka shtuar: se “Në këtë kuptim, posaçërisht theksova nevojën për formimin urgjent të Unionit të Komunave Serbe dhe përmbushjen e përpiktë të obligimeve nga Marrëveshja e Brukselit, të cilën Prishtina e ka shmangur për më shumë se dhjetë vjet”, theksoi Vuçiq.
Madje ai ka përmendur edhe Rezolutën e Këshillit të Sigurimit të OKB-së, që sipas tij ka rëndësi jetike zbatimi.
”Theksova rëndësinë kritike të respektimit të Rezolutës 1244 të KS të OKB-së dhe rolin kyç të UNMIK-ut në përputhje me mandatin që i është besuar këtij misioni me qëllim të ruajtjes së paqes, por edhe të mbrojtjes së të drejtave të serbëve dhe joshqiptarëve në Kosovë, në të cilat, si më parë, ne do të ofrojmë të gjithë ndihmën dhe mbështetjen e nevojshme”, tha Vuçiq.
