Aleksandar Vulin do të mbetet në krye të Agjencisë së Sigurisë dhe Informacionit të Serbisë, pavarësisht sanksioneve të vendosura ndaj tij nga SHBA dhe kërkesave të shpeshta për largimin e tij, transmeton Kosova Post.
Sipas presidentit serb Aleksandar Vuçiq, Vulin do të mbetet në atë pozitë, pavarësisht sanksioneve të vendosura ndaj tij nga SHBA-të dhe kërkesave të shpeshta për largimin e tij.
Analistët serb e vlerësojnë se situata me drejtorin e sanksionuar të shërbimit të sigurisë ka dëmtuar sistemin e sigurisë, ndërsa opozita në Serbi thekson se është dëmtuar edhe reputacioni diplomatik i Serbisë.
Vulin kishte ardhur në krye të BIA-s më 2 dhjetor të vitit të kaluar, me një dorëzim ceremonial të detyrave mes tij dhe ministres së Punëve të Brendshme, Bratislava Gashiq, me të cilën ata në fakt vetëm i ndërruan pozitat.
Në fillim të korrikut, Vulin u vendos në listën e sanksioneve të Shteteve të Bashkuara të Amerikës .
Departamenti Amerikan deklaroi se Aleksandar Vulin është i përfshirë në krimin e organizuar ndërkombëtar, operacionet e trafikut të paligjshëm të drogës dhe abuzimin e detyrës publike.
