Presidenti i Serbisë, Aleksandar Vuçiq, ka vazhduar me propagandën e tij në Këshillin e Sigurimit, teksa ka deklaruar se kryeministri i Kosovës, Albin Kurti po i diskriminon serbët në Kosovë.
Gjatë mbledhjes së KS të OKB-së, ku po diskutohet për raportin e rregullt gjashtëmujor të misionit të OKB-së në Kosovë, Vuçiq tha se “Kurti po i shkakton regjim komunitetit serb” dhe për këtë, sipas tij, “po shpërblehet nga bashkësia ndërkombëtare”.
Ai tha se vendimi i fundit i autoriteteve të Kosovës ua ka vështirësuar jetën qytetarëve të komunitetit serb, pasi pensionistët dhe punëtorët e arsimit dhe të shëndetësisë nuk po mund t’i marrin pagat nga Serbia.
Sipas presidentit serb as pas 11 vjetësh që nga nënshkrimi i marrëveshjes me Kosovën, me ndërmjetësim të BE-së, nuk janë realizuar premtimet, dhe sipas tij kjo dëshmon “paaftësinë e BE-së për t’i lëvizur gjërat”.
Sa i përket procesit të votimit të djeshëm për shkarkimin ose jo të kryetarëve të katër komunave në veri të Kosovës, Vuçiq ka thënë se bojkotimi i votimeve nga ana e serbëve ka qenë i arsyeshëm, pasi sipas tij është bërë rritja artificiale e numrit të votuesve shqiptarë në muajt e fundit në komunat veriore.
Këto deklarata i ka demantuar Presidentja Osmani në Këshillin e Sigurimit fe cilaoli edhe serbët në Kosovë, për të cilët tha se janë të frikësuar nga pushteti në Serbi dhe nga qeverisja e Vuçiqit. “Serbët e Kosovës janë nën trysni, jo nga Qeveria e Kosovës, por nga Qeveria e Serbisë”, tha Osmani, e cila iu kundërpërgjigj presidentit Vuçiq i cili në Këshillin e Sigurimit tha se serbët në Kosovë janë të diskriminuar.
“Serbia vazhdimisht bën përpjekje që ta pengojë integrimin e serbëve të Kosovës. Ajo i përmendi djegiet e veturave dhe presionin e kërcënimet që u janë bërë zyrtarëve serbë që kanë punuar në institucione publike në Kosovë”, tha Osmani.
Kryerësit e sulmit në Banjskë dhe NATO-s sillen lirshëm në Serbi, ata vazhdojnë të marrin kontrata të mëdha financiare, tha presidentja.
“Pas sukseseve në KiE, Serbia eskaloi dhunën duke i cenuar qytetarët serbë dhe shqiptarët në kufi. Kanë konfiskuar dokumente personale, i kanë marrë në pyetje, fëmijë e gratë. Dejan Jankoviq, zëvendësdrejtor i policisë është burgosur duke theksuar qëndrimin e Serbisë që t’i kërcënojë serbët e Kosovës. Serbia vazhdimisht bën përpjekje të vazhdueshme për të penguar procesin e integrimit të serbëve në Kosovë, duke përdorur akte kriminale e terroriste”, tha Osmani.
Presidentja përmendi edhe bojkotin e serbëve në veri për shkarkimin e kryetarëve në veri.
E njëri që është pjesë e asaj qeveri, Osmani tha është edhe në këtë seancë, i cili ka qenë ministër i Millosheviqit. Ajo përmendi edhe shunimet e shumta që i ka bërë qeveria e atëhershme.
“Masakra e Poklekut, si të gjitha masakrat tjera nëpër Kosovë, tregoi se Millosheviqi dhe ministri i tij i atëhershëm i propagandës, sot i ulur në karrigen e Presidentit, jo vetëm që kërkonin t’i shfarosnin të gjithë shqiptarët e Kosovës nga faqja e dheut, por donin t’i zhduknin edhe provat dhe të mos kishte dëshmitar”, deklaroi ajo.
