Lëvizja Vetëvendosje ka deklaruar në Komisionin Qendror të Zgjedhjeve se gjatë periudhës tremujorit të fundit ka deklaruar se i ka shpenzuar 351 mijë e 708 euro.
Për shpenzime të përgjithshme, VV-ja i dha 257 mijë e 685 euro, ku pjesa më e madhe ishte për paga dhe mëditje, për të cilat shpenzoi 195 e 187 euro.
Për shpenzime komunale, VV-ja i dha 3 mijë e 198 euro, ndërsa për telefon shërbime të komunikimit i dha 4 mijë e 194 euro.
Ndërsa, mbi 55 mijë euro, VV-së i kushtoi qiraja e zyrës për tre muaj, transmeton KosovaPost.
Për shpenzime të transportit, partia në pushtet i dha 29 mijë e 100 euro për korrik, gusht dhe shtator, ku vetëm për karburante, VV-ja i dha 12 mijë e 29 euro, për transport të njerëzve 13 mijë e 975 euro, kurse për mirëmbajtje të automjeteve 3 mijë e 94 euro.
Për blerje të mallrave, për tre muaj, VV-ja i shpenzoi 35 mijë e 560 euro, ku furnizimi për zyrë i kushtoi 7 mijë e 447 euro, për inventar të zyrës 3 mijë e 752 euro, kurse për ushqim dhe pije 24 mijë e 361 euro.
