Raporti i ri i Komisionit për Verifikim të Mandateve është votuar unanimisht nga partitë politike në seancën konstituive të Kuvendit të Republikës së Kosovës.
Në këtë raport i prezantuar në seanca nga deputeti i zgjedhur Artan Abrashi, janë përfshirë dorëheqjet verbale të Albin Kurtit dhe ministrave të tij dhe është kosntatuar se raporti ka përkrahje unanime.
“Komsioni në mbledhjen e mbajtur shqyrtoi vendimin e KQZ-së për certifikim të zgjedhjeve, bashkë me listën e deputetëve të ceritifikuar. Komisioni konstaton se janë certifikuar 120 deputetë që kanë marrë zgjedhje. LVV 48 deputetë, PDK 24 deputetë, LDK 20 deputetë, Lista Serbe 9 deputetë… Komisiono ka konstatuar vlefshmërinë e mandateve. Në seancë janë 120 deputetë, andaj Komisioni mbështetur në dokumentacion, rekomandon seancës me vota unanime të Komisionit që t’i vazhdojë punimet sipas agjendës.”, ka deklaruar Abrashi.
Ky raport është miratuar me 119 vota “pro”.
Këto zhvillime në Kuvendin e Kosovës kanë ardhur pas një takimi konsultativ mes partive politike, ku janë pajtuar që në mënyrë unanime të votojnë për një raport të ri të Komisionit për Verifikim të Mandateve.
Kreu i PDK-së, Memli Krasniqi ka deklaruar se kjo krijon një situatë të re ligjore, që mundëson ecjen tutje me betimin dhe më pas edhe procedurat tjera të konstituimit të Kuvendit.
Pas fillimit të seancës me 120 vota për, Kuvendi ka autorizuar Komisionin e Vjetër që të hartojë një raport të ri për Verifikimin e Mandateve, shkruan Express.Pas miratimit të këtij raporti për verifikimin e mandateve, Kurtit do t’i duhet të dëshmojë që i ka 61 vota për zgjedhjen e kryetarit të Kuvendit të Kosovës dhe organeve të tjera.
