Bllokada e ndihmës amerikane mund të hiqet nëse bisedimet me Ukrainën përparojnë, thotë Këshilltari amerikan për Sigurinë Kombëtare, Mike Waltz.
Presidenti Donald Trump do ta konsiderojë kthimin e ndihmës për Ukrainën nëse organizohen bisedimet e paqes dhe merren masa për ndërtimin e besimit, tha të mërkurën Walts, raportoi Reuters.
“Unë mendoj se nëse ne mund t’i mbyllim këto negociata dhe të shkojmë drejt këtyre negociatave, dhe në fakt, t’i vendosim disa masa për ndërtimin e besimit në tavolinë, atëherë presidenti do ta shqyrtojë me kujdes heqjen e kësaj pauze”, tha ai në një intervistë në Fox News.
Trump e vlerësoi gatishmërinë e presidentit ukrainas, Volodymyr Zelensky për ta nënshkruar një marrëveshje për mineralet me SHBA-në dhe për t’u ulur në tavolinën e negociatave për ndaljen e luftës në Ukrainë.g.e.
