Gazetari që është i njohur për mbështetjen e pakufizuar ndaj presidentit amerikan, Donald Trump, Brian Glenn, e pyeti presidenti ukrainas, Volodymyr Zelenskyn për veshjen e tij.
Zëvendëspresidenti amerikan, JD Vance shihet duke buzëqeshur në ato momente.
Zelensky iu përgjigj me pyetje “a keni ndonjë problem me këtë?”
“Kam problem me mosrespektimin…”, shtoi gazetari.
Zelensky iu përgjigj “do të vesh kostum kur të mbarojë lufta, ndoshta diçka si e juaja, ndoshta diçka më mirë, nuk e di, do ta shohim. Ndoshta diçka më të lirë”.
Ndryshe, Glenn është korrespondenti kryesor nga Shtëpia e Bardhë për “Real America’s Voice”, një rrjet djathtist ku rregullisht shfaqen aleatët e Trumpit.
Ai është në një lidhje me kongresisten republikane Marjorie Taylor Greene ndërsa fitoi famë për intervistat ekskluzive me Trumpin.
Glenn thotë se ai dhe Marjorie Taylor Greene janë çifti më i preferuar i lëvizjes MAGA. /Telegrafi/