Anëtarësimi i Ukrainës në NATO dhe armatosja e saj, ishin pikat kyçe ku u fokusua Volodymyr Zelensky në fjalimin e tij para parlamentit të Ukrainës.
Zelensky kërkoi nga aleatët që të vendosin armatime të parandalimit strategjik jo-bërthamore si dhe të shfrytëzojnë pasuritë nëntokësore të Ukrainës, pasi në të kundërt ato do t’i përkasin Rusisë.
“Ukraina ka nevojë për një ftesë të pakushtëzuar për t’u bashkuar me aleancën ushtarake të NATO-s tani. Ne e kuptojmë se anëtarësimi në NATO është çështje e së ardhmes, jo e së tashmes. Por Presidenti rus Vladimir Putin mund të shohë se llogaritjet e tij gjeopolitike po shkojnë drejt humbjes. Aftësia e Ukrainës për të mbrojtur veten duhet “të forcohet në mënyrë të pakthyeshme” dhe të parashtroj një sërë mënyrash për ta bërë këtë.
Ato përfshinin armatosjen e mëtejshme të Ukrainës dhe forcimin e industrisë së saj të mbrojtjes, rritjen e aftësive të mbrojtjes ajrore, heqjen e kufizimeve në përdorimin e armëve dhe vazhdimin e operacioneve ushtarake ukrainase në tokën ruse. Ukraina propozon të vendosë në tokën e saj një paketë gjithëpërfshirëse të parandalimit strategjik jo-bërthamore që do të jetë e mjaftueshme për të mbrojtur Ukrainën nga çdo kërcënim ushtarak nga Rusia, shkruan A2.Propozoj që Ukraina të nënshkruajë një marrëveshje me SHBA-në, BE-në dhe aleatë të tjerë të paidentifikuar që do të lejonte investime të përbashkëta dhe përdorimin e burimeve natyrore të Ukrainës, të cilat vlejnë triliona dollarë. Këta përfshijnë, në veçanti, uraniumin, titanin, litiumin, grafitin dhe burime të tjera strategjike të vlefshme që do të forcojnë ose Rusinë dhe aleatët e saj ose Ukrainën dhe botën demokratike në konkurrencën globale”, tha Zelensky.
