14 persona kanë mbetur të lënduar si pasojë e një aksidenti trafiku që ka ndodhur dje mes një autobusi dhe një automjeti transportues në fshatin Prekoc të Novëbërdës.
Policia e Kosovës njofton se aksidenti dyshohet të ketë ndodhur pasi drejtuesi i autobusit ka humbur kontrollin e drejtimit dhe është përplasur frontalisht me automjetin.
Sipas raportit të policisë të lënduarit kanë marrë trajtime mjekësore në QKUK.
“Prekoc, Novobërdë / 02.04.2024 – 13:15. Një autobus dhe një automjet transportues janë përfshirë në aksident trafiku në mes veti. Si pasojë e aksidentit 14 persona kanë pësuar lëndime trupore . Aksidenti dyshohet se ka ndodhur kur drejtuesi i autobusit për arsye të panjohura ka humbur kontrollin mbi drejtimin e autobusit duke kaluar në shiritin e kundërt të lëvizjes dhe është përplasur frontalisht me automjetin që po lëvizte në anën e kundërt. Të lënduarit kanë pranuar trajtim mjekësor në QKUK. Në konsultim me prokurorin rasti procedohet në procedurë të rregullt”, thuhet në raportin 24 orësh të Policisë së Kosovës.
