Ditë më parë, kreu i Lëvizjes Vetëvendosjes, Albin Kurti prezantoi sloganin e VV për zgjedhjet e 14 shkurtit në Kosovë, përcjell Kosova Post.
“Krejt dhe Drejt”, është slogani që ka zgjedhur Vetëvendosje, slogan ky i cili nxiti shumë reagime në opinionin publik në Kosovë.
E ketë slogan e ka komentuar edhe publicistja Kimete Berisha, e cila haptas ka dal në përkrahje të Albin Kurtit dhe Lëvizjes Vetëvendosje.
Teksa ka shkruar për sloganin “Krejt dhe Drejt”, Kimete Berisha ka dhënë sinjale se Vetëvendosje do të bëjë koalicion pas zgjedhor me PDK-në.
Sipas Berishës, VV duhet t’i marr krejt votat, e pastaj t’i ndaj me PDK-në.
Kujtojmë se VV ka nënshkruar marrëveshje bashkëpunimi me Vjosa Osmanin, e cila me disa bashkëpunëtorë do të garojë në listën e Vetëvendosjes për deputet.
Postimi i plotë:
Ne s’jemi gjysmë-njerëz, me dëshiru veç gjysmën e Fitores për vete!
S’ka gjysmë-dëshira.
Kur dëshiron diçka-e dëshiron Krejt! Komplet.
Pse të dëshirosh gjysmën e fitores, kur ke mundësi të dëshirosh sa të duash, Krejt.
Në Dashuri çdo gjë është ‘Krejt ose Asgjë’!
Dhe kjo është Fer.
Nuk ka ‘Jam pak e dashuruar’,
‘E dua Kosovën as shumë, as pak-tamam’;
Nuk duhet njeriu veç në organe të caktuara, por duhet komplet.
Duhet Krejt.
Duhet të jesh superior-i pari, më i miri.
Duhet të jesh Krejt!
Nuk mjafton të mbijetosh.
Askush nuk e do për vete ‘pak Liri’, por kur e dëshiron dhe e kërkon, e kërkon Krejt Lirinë. Komplet.
Nuk ka ‘pak drejtësi’, nëse Drejtësia nuk është Krejt (e plotë), nuk ekziston.
Anipse dashuria nuk është ndjenjë bazike, s’ka dert.
Lirinë, Dashurinë, Shëndetin, Drejtësinë dhe Fatin e duam të plotë, Krejt.
Është ‘problem’ psikik nëse të MIRAT nuk i do të plota, nuk i do Krejt.
Duhet t’i marrim Krejt votat, e pastaj t’i ndajmë
ms nevojtarë, me ata më me pak fat se Ne.
Me PDK-në, për shembull!
Fitorja nuk të bën egoist, por të bën të pasur.
Se ti nuk e mban Fitoren për vete, pasi e Fiton Pushtetin- e ndan.
S’ka tepsi me gjysmë-pite, por ama pitja pastaj ndahet, dhe këtu është ai lezeti, kur ndahet në mënyrë të barabartë dhe të Drejtë.
Pasi fiton Krejt, vazhdon Drejt, pa i mbajtur anën askujt, pa bërë dredhi, pa u kthyer askund, pa ndërmjetës, pa e shtrembëruar rrugën, me Drejtësi për të gjithë!
P.S. Thjesht: Krejt dhe Drejt!
Sepse s’je gjys’njeri.
