Kryetari i AAK-së, Ramush Haradinaj, në 25-vjetorin e masakrës në Poklek dhe në Çikatovë të Vjetër, ndërsa thekson se drejtësia nuk është vendosur as pas 25 vjetësh, përcjell Kosova Post.
“Me dhembje në zemër, duke e ditur se drejtësia ende nuk është vendosur, 25 vjet pas Masakrës në Poklek të Drenicës, kur gjurmët e gjakut në bodrumin e Fadil Muqollit ende janë të freskëta, kujtojmë jetët e pafajshme të humbura e të rrëmbyera nga ata që tentuan të zhbijnë qenien dhe ekzistencën popullit shqiptar”, u shpreh Haradinaj.
Tutje theksoi Haradinaj se në të njëjtën ditë në Çikatovë të Vjetër u vranë 24 shqiptarë civil.
Postimi i plotë i Ramush Haradinajt në Facebook:
Me dhembje në zemër, duke e ditur se drejtësia ende nuk është vendosur, 25 vjet pas Masakrës në Poklek të Drenicës, kur gjurmët e gjakut në bodrumin e Fadil Muqollit ende janë të freskëta, kujtojmë jetët e pafajshme të humbura e të rrëmbyera nga ata që tentuan të zhbijnë qenien dhe ekzistencën popullit shqiptar.
Më 17 prill 1999, forcat serbe vranë dhe masakruan mbi 54 anëtarë të familjes Muqolli dhe Elshani, shumica prej tyre gra, pleq dhe fëmijë, duke filluar prej foshnjave 6 muajshe e deri te pleqtë 75 vjeçar. Në të njëjtën ditë, u vranë edhe 24 shqiptarë civilë në fshatin Çikatovë e Vjetër.
Duke kërkuar drejtësi për të rënët, qoftë i përjetshëm kujtimi për ta!
