Presidentja e Kosovës Vjosa Osmani, kujton heroin Agim Ramadani në 25-vjetorin e rënies së tij, ndërsa shprehet se heroi Ramadani ishte patrioti e guximtari që ëndrrën për lirinë e bëri realitet, përcjell Kosova Post.
Ndërsa lartëson figurën e komandat Katanës, Presidentja e quan atë hero emblematik të shembjes së kufirit Kosovë-Shqipëri.
“Ai nuk ishte thjesht vetëm ushtarak, por një gërshetim i luftëtarit, poetit e piktorit, respektivisht një personalitet poliedrik i shndërruar në hero. Ai është njeriu i mërgatës, patrioti e guximtari që ëndrrën për lirinë e bëri realitet duke iu bashkuar UÇK-së dhe duke u përjetësuar në heroin emblematik të shembjes së kufirit ndërmjet Kosovës e Shqipërisë”, tha presidentja Osmani.
Tutje u shpreh presidentja se ai dhe bashkëluftëtarët i dhanë jetë ëndrrave dhe spiratave të popullit tonë për të qenë i lirë.
“Heroizmi dhe trashëgimia e Agimit do të vazhdojnë t`i frymëzojë brezat që do të vijnë”, tha Osmani.
