Kryetari i Aleancës për Ardhmërinë e Kosovës (AAK), Ramush Haradinaj, kujton heroin e kombit, Bahri Fazliu në përvjetorin e rënies, ndërsa thekson se Fazliu ishte e mbetet njëri nga figurat më të ndritura të kombit, përcjell Kosova Post.
Figura e ndritur e tij tha Haradinaj qëndron mbi guximin, trimërinë dhe vendosmërinë vetëmohuese.
“Bahri Fazliu është njëri prej figurave më të ndritura të Lëvizjes Kombëtare për Çlirimin e Kosovës. Trim, guximtar e i vendosur deri në vetëmohim, Bahri Fazliu, 26 vjet më parë fitoi përjetësinë, duke u bërë shembull për rininë shqiptare, se si duhet Atdheu dhe si sakrifikohet për të.Lavdi veprës dhe rënies heroike të Bahri Fazliut. Përgjithmonë në kujtesën tonë historike!”, shprehet Haradinaj.
