Ministri i Mbrojtjes i Kosovës, Ejup Maqedonci, tha se kadetët e Qendrës së Studimeve Universitare (QSU) të FSK-së përfunduan, me sukses dhe disiplinë të punës, ushtrimin fushor “Kampi i Avancuar 2024”.
Maqedonci, bëri të ditur se, gjatë këtij ushtrimi, kadetët u trajnuan dhe vlerësuan në ekzekutimin dhe drejtimin e operacioneve luftarake.
“Kadetët e QSU përfunduan Ushtrimin Fushor Kampi i Avancuar 2024, aktiviteti përmbyllës i vitit akademik. Gjatë këtij ushtrimi, kadetët u trajnuan dhe vlerësuan në planifikimin, ekzekutimin dhe drejtimin e operacioneve luftarake dhe të stabilitetit në nivel togu dhe kompanie”, shprehet Maqedonci, duke theksuar se “motivi i lartë, disiplina e punës dhe etosi luftarak janë ndër virtytet që kadetët e të gjitha klasave kanë treguar gjatë këtij ushtrimi”.
