Vizitat në terren në terren nuk po i ndalë Albin Kurti. As kërcënimet nga Garda Vullnetare Shqiptare dy ditë më parë nuk po e frikësojnë kryeministrin në detyrë.
Por, është presidenti Hashim Thaçi që thotë se një organizatë e tillë nuk ekziston.
Thaçi në një debat televiziv të enjten në mbrëmje potencoi se komunikata është shkruar në zyrat e partisë së Albin Kurtit.
Këtyre deklaratave të presidenti nuk u është përgjigjur ashpër kryeministri në detyrë Albin Kurti.
Ai ka kërkuar që shefi i shtetit faktet e tij ti adresojnë tek organet e rendit.
Ndërkohë njohës të çështjeve të sigurisë thonë se kryeministri në detyrë në rastin e kërcënimit ka treguar pa përvojën e tij institucionale.
Kastrati thotë se letra mund të jetë shkruar edhe nga shërbime sekrete të cilat nuk ia duan të mirën Kosovës.
Dy ditë më parë Albin Kurti ka njoftuar se është kërcënuar nga një grup që veten e quan “Garda Vullnetare Shqiptare”.
Sipas tij ky kërcënim nuk është ndaj tij, por ndaj Gjykatës Kushtetuese, e cila pritet të japë vendimin rreth dekretit të presidentit Thaçi lidhur me nominimin e Avdullah Hotit për kryeministër.
