Aleanca për Ardhmërinë e Kosovës do të marrë pjesë në seancën e jashtëzakonshme të thirrur nga kryeministri i vendit Albin Kurti.
Deputeti nga rradhët e AAK-së, Pal Lekaj, ka konfirmuar për arbresh.info se AAK do të jetë prezente nesër në Kuvendin e Kosovës.
“Po, do të marrin pjesë”, ka deklaruar Pal Lekaj, ndërsa ka shtuar se “AAK është kundër referendumit dhe për këtë jemi deklaruar edhe sot”.
“Është e rëndësishme të diskutohet në Kuvendin e Kosovës për situatën që është duke ndodhur. Besoj se deputetët do të thonë fjalën e fundit”, tha Lekaj.
Në anën tjetër, PDK përmes një konference për media ka konfirmuar se nuk do të marrë pjesë në seansën e nesërme.