Kryetari i LDK-së, Lumir Abdixhiku, të hënën priti në takim ambasadorin e ri të Mbretërisë së Bashkuar në Kosovë, Jonathan Hargreaves, të cilit i ka uruar rrugëtim të mbarë në punën si ambasador, ndërsa ka falënderuar për mbështetjen e Kosovës në të gjitha proceset nga vendi i tij, përcjell Kosova Post.
Ndërkohë, Abdixhiku e ka falënderuar ambasadorin për rolin dhe kontributin e Britanisë me theks në fushën e sigurisë dhe raportet e shkëlqyera mes dy vendeve, që siç tha ai janë garanci e së ardhmes së Kosovës.
Kryetari i LDK-së, gjithashtu ka informuar ambasadorin e ri britanik edhe për programin politik, projketet zhvillimore dhe misionin euroatlantik.
Postimi i plotë i Abdixhikut në Facebook:
Në Selinë Qendrore të Lidhjes Demokratike të Kosovës, prita në takim ambasadorin e ri të Mbretërisë së Bashkuar, shkëlqesinë e tij Jonathan Hargreaves.
Ambasadorin Hargreaves e falëmderova për rolin dhe kontributin e vazhdueshëm të Mbretërisë së Bashkuar – në veçanti në fushën e sigurisë, gjatë viteve e dekadave të shkuara. Raportet e shkëlqyera në mes të dy vendeve tona janë garanci për të ardhmen e Republikës dhe popullit tonë. Ambasadorin e njoftova po ashtu mbi programin politik ‘Rruga e Re’, projektet kryesore zhvillimore; si dhe misionin tonë euroatlantik si fundament i orientimit tonë ideologjik.
Ambasadorit Hargreaves i urova shëndet dhe qëndrim me plot suksese në Republikën e Kosovës. I sigurova partneritet të plotë brenda Lidhjes Demoktatike të Kosovës në këtë rrugëtim të rij të tij.
Punë të mbarë ambasador./KosovaPost/
