Dy persona kanë mbetur të lënduar si pasojë e një aksidenti mes katër veturave sot në mëngjes në rrugën magjistrale Prishtinë-Ferizaj.
“Rreth orës 08:15, është pranuar informata për një aksident trafiku rrugor të ndodhur në rrugën magjistrale Prishtinë-Ferizaj, respektivisht në ‘Veternik’ të komunës së Prishtinës”, ka konfirmuar për RTKlive zëdhënësi i Policisë për rajonin e Prishtinës, Agron Borovci.
Policia ka dalë në vendin e ngjarjes, po ndërmerr masat e nevojshme për lehtësimin e qarkullimit rrugor si dhe ka nisur punën për hetimin e shkaqeve që kanë sjellë deri te aksidenti.
