Kryeministri i Australisë, Anthony Albanese ka pranuar me krenari rrënjët e tij arbërore nga Barletta e Pulias, gjatë një takimi me shqiptarët në Kanberra.
Në Pulia jeton një komunitet i madh arbëreshësh, nga ku është edhe babai i kryeministrit australian.
“Diku në të kaluarën time, pa dyshim, kam një lidhje shumë të drejtpërdrejtë me Shqipërinë. Barletën nga Shqipëria e ndan vetëm uji.”, tha ai.
Anthony Albanese është djali i një marinari arbëresh, Carlo Albanese nga jugu i Italisë, por me një nënë australiane.
Megjithatë, Anthony e takoi të atin vetëm vite më vonë, pak para vdekjes së tij në Itali në 2014, sepse ai e braktisi atë dhe nënën e tij pak pas lindjes së tij.
Për të shmangur skandalin në Australinë e viteve 1960 në një familje shumë katolike, u përhap lajmi se i ati i Albanese kishte vdekur në një aksident automobilistik, shkruan abcnews.al.Vetëm kur ishte 14 vjeç, Antoni mësoi të vërtetën nga e ëma, e cila e rriti në kushte shumë të vështira, në një banesë sociale dhe me pension invaliditeti.
