Ambasadori britanik në Kosovë, Jonathan Hargreaves, lavdëron punën e Gjykatës Kushtetuese pas një takimi që ka mbajtur me kryetaren e kësaj gjykate, Gresa Caka.
Ambasadori është shprehur se roli i Kushtetueses është themelor për sundimin e ligjit, ndërsa Cakën e quajti ‘grua inspiruese’.
“Gjykata Kushtetuese e Kosovës luan një rol themelor në garantimin e sundimit të ligjit dhe demokracisë në Kosovë, në të cilën vendi ka arritur aq shumë progres. Ishte një nder dje të takoja Gresa Cakën, gruan inspiruese që drejton punën jetike të Gjykatës”, theksoi Hargreave, derisa ka njoftuar se takimin e kanë zhvilluar dje.
