Ish-ministri i Mbrojtjes, Anton Quni kujton heroin, Agim Ramadanin, në 25-vjetoin e rënies, ndërsa thekson se ende janë të freskëta kujtimet e mëngjesit të 11 prillit 1999, përcjell Kosova Post.
Ndërsa kujton momentet e fundit të bashkëluftëtarit Quni, shprehet atë mëngjes shtrënguan duart dhe u uruan e premtuan se do të takohen pas fitores së radhës.
Ndërkohë thekson Quni se pas rënies u kuptua se shtrëngim i duarve ishte i lamtumirës.
“Në mëngjesin e ftoftë të 11 prillit, një çerek shekulli më parë, rreth orës 07:00 të mëngjesit, në oborrin e kazermës së Koshares, bëheshin përgatitjet e fundit për vazhdimin e operacionit. Karaulla tani më ishte në duart tona, në shtizë valëvitej flamuri ynë kombëtar. Të gjithë i gëzoheshim fitores. Me Agimin edhe një herë kaluam nëpër planet e operacionit. Shtrënguam duart në shenjë mirënjohjeje, urimi e premtimi se do të takohemi pas fitores së radhës. U ndamë duke vazhduar në krye të njësive”,tha Quni.
‘Agim, të qoftë lavdi e përjetshme!”, u shpreh Quni.
Postimi i plotë i Qunit në Facebook:
Në mëngjesin e ftoftë të 11 prillit, një çerek shekulli më parë, rreth orës 07:00 të mëngjesit, në oborrin e kazermës së Koshares, bëheshin përgatitjet e fundit për vazhdimin e operacionit. Karaulla tani më ishte në duart tona, në shtizë valëvitej flamuri ynë kombëtar. Të gjithë i gëzoheshim fitores. Me Agimin edhe një herë kaluam nëpër planet e operacionit. Shtrënguam duart në shenjë mirënjohjeje, urimi e premtimi se do të takohemi pas fitores së radhës. U ndamë duke vazhduar në krye të njësive.
Më vonë do të kuptoj se shtrëngimi i duarve ishte lamtumirës.
Edhe pas 25 vjetëve janë të freskëta në detaje kujtimet e atij mëngjesit, shija e cigareve, numërimi i municionit, batutat, urimet, lajmet e mëngjesit dhe mbi të gjitha, shtrëngimi lamtumirës i duarve.
Agim, të qoftë lavdi e përjetëshme!
