Agjencia e lajmeve Associated Press (AP) shkruan se zyrtarët boshnjakë sfiduan një sërë ligjesh të Republika Srpska, një nga dy entitetet e Bosnjës, që ndalojnë gjyqësorin dhe policinë shtetërore të punojnë “në pjesën e vendit nën kontrollin serb” dhe se këto “ligje të diskutueshme kanë nxitur tensionet në vendin e ndarë etnikisht ballkanik”.
AP shkruan se “serbët e Bosnjës miratuan ligjet e diskutueshme pasi një gjykatë boshnjake dënoi Milorad Dodik, presidentin pro-rus të entitetit të sunduar nga serbët në Bosnjë të quajtur Republika Srpska”, dhe ai u dënua “për lëvizjet e tij separatiste”.
“Dodik, i cili nuk është në rrezik të menjëhershëm arrestimi, tha se planifikon të injorojë vendimin, i cili bëhet i formës së prerë pas një procesi apelimi”, shkruan AP.
Zyrtarët e BeH thonë se grupi i ligjeve të RS “përfaqëson një grusht shteti dhe një hap të madh në shpërbërjen e vendit të mbrojtur nga udhëheqësi separatist serb boshnjak,” thotë teksti, shkruan gazeta express.AP shkruan se “Dodik ka bërë thirrje vazhdimisht që gjysma e Bosnjës e udhëhequr nga serbët të bashkohet me Serbinë fqinje, duke nxitur ish-administratën amerikane të vendosë sanksione ndaj tij dhe aleatëve të tij të ngushtë”, dhe “Dodik kishte mbështetjen ruse për politikat e tij”.
“Miratimi i ligjeve të reja ka nxitur frikën e incidenteve midis forcave rivale të policisë serbe dhe atyre qendrore të Bosnjës”, shkruan AP, duke shtuar se “lufta në Bosnje shpërtheu kur serbët në atë vend u rebeluan kundër pavarësisë nga ish-Jugosllavia dhe u nisën për të formuar mini-shtetin e tyre me synimin për ta bashkuar atë me Serbinë”.
