Përplasjet në kufirin mes Azerbajxhanit dhe Armenisë janë ndalur, njoftuan të martën Ministritë e Mbrojtjes të Rusisë dhe Armenisë, transmeton Kosova Post.
“Azerbajxhani dhe Armenia kanë ndërmarrë hapa për stabilizimin e situatës në kufijtë e tyre”, njoftoi Ministria ruse e Mbrojtjes, transmeton AA.
Më tej theksohet se konfliktet në Karakilise janë ndalur dhe se situata aktualisht është normalizuar dhe është nën kontroll.
“Nga ora 17:30 sipas kohës lokale me ndërmjetësimin e Rusisë, u shpall armëpushimi në kufirin midis Azerbajxhanit dhe Armenisë”, njoftoi Ministria armene e Mbrojtjes.
Ndërkohë, presidenti rus Vladimir Putin diskutoi tensionet në kufirin midis Azerbajxhanit dhe Armenisë me kryeministrin armen, Nikola Pashinyan.
Ministria e Mbrojtjes së Azerbajxhanit njoftoi më herët se forcat armene kanë kryer “provokime të mëdha” në pozicionet luftarake të ushtrisë azerbajxhanase në rajonet Kalbajar dhe Lachin në kufirin shtetëror ndërsa dy ushtarë azerbajxhanas u plagosën në sulme.
“Ushtria e Azerbajxhanit ka kryer menjëherë një operacion emergjent”, thuhet në deklaratë, duke shtuar se lëvizja e forcave armene është bllokuar dhe se janë shkaktuar dëme në forcat dhe mjetet e tyre.
