Policia e Kosovës ka njoftuar se ka arrestuar dy persona në Leposaviq, pasi kishin tentuar të kontrabandonin mallra.
Arrestimi i tyre ka ndodhur ditën e diel.
“Janë arrestuar dy të dyshuar një mashkull kosovar dhe një mashkull me shtetësi serbe, pasi të njëjtit me automjetin e tyre (kombi), kanë tentuar që të kontrabandonin disa mallra. Të dyshuarit edhe pse nuk kanë përfillur urdhrat e zyrtarëve policor për tu ndaluar, policia ka arritur që të ndaloj automjetin e dyshuar”, thuhet në njoftim.
Tutje, policia bën të ditur se me vendim të prokurorit, të dyshuarit janë dërguar në mbajtje.
Rasti është në procedurë hetimore.
