Asamblisti nga radhët e Aleancës për Ardhmërinë e Kosovës në Istog, Arianit Selmanaj nuk është më anëtar i kësaj partie. Selmanaj nga sot i është bashkangjitur Lidhjes Demokratike të Kosovës.
Këtë e ka konfirmuar Selmanaj, ndërsa njoftuar qytetarët për ndërrimin e partisë pas një periudhe siç e quan reflektimi.
“Unë, Arianit Selmanaj, anëtar i Kuvendit në Komunën e Istogut dëshiroj të njoftoj publikisht se kam vendosur t’i bashkangjitem Grupit të këshilltarëve të Lidhjes Demokratike të Kosovës (LDK). Pas një periudhe reflektimi dhe vlerësimit të angazhimit tim politik, kam arritur në përfundimin se bashkimi me LDK-në është zgjedhja më e mirë për mua dhe për bashkëqytetarët e Komunës se Istogut”, është shprehur Selmanaj.
Postimi i plotë i Selmanajt në Facebook:
Unë, Arianit Selmanaj, Anëtar i Kuvendit në Komunën e Istogut, dëshiroj të njoftoj publikisht se kam vendosur t’i bashkangjitem Grupit të këshilltarve të Lidhjes Demokratike të Kosovës (LDK).
Pas një periudhe reflektimi dhe vlerësimit të angazhimit tim politik, kam arritur në përfundimin se bashkimi me LDK-në është zgjedhja më e mirë për mua dhe për bashkëqytetarët e Komunës se Istogut.
Si një njeri i fjales dhe kontribues i rëndësishëm në komunitet me përvojë të gjerë në fushën e financave, besoj se ky ndryshim është në përputhje me interesat e komunitetit. Nën udhëheqjen e LDK-së, mund të jap angazhimin më të madh për të mirën e qytetarëve të Komunës sonë.
Dua të shpreh mirënjohjen time për mbështetjen dhe besimin që më është dhënë nga votuesit dhe bashkëpunëtorët gjatë kohës së qëndrimit tim në AAK.
Një falenderim i veçant shkon për kryetarin e deges së LDK-së dhe kryetarin e Komunës së Istogut, Ilir Ferati, strukturave udhëheqëse të LDK-së, shoqërisë, miqve dhe familjes për përkrahjen dhe mbështetjen e dhënë.
Une besoj fuqishëm se ky ndryshim është një hap i rëndësishëm drejt përparimit tonë të përbashkët ✌️🤝 drejt fitoreve në të ardhmen.
Faleminderit!
Me respekt,
Arianit Selmanaj
Këshilltar Komunal, Komuna e Istogut
