Sot do të mbahen zgjedhjet për kryetarë të Mitrovicës së Veriut, Leposaviq, Zubin Potok e Zveçan dhe zgjedhjet për kuvende komunale të Zveçanit dhe Leposaviqit.
Analisti Mazllum Baraliu, tha për RTK se këto zgjedhje që po mbahen në katër komunat në veri të Republikës së Kosovës, janë shumë të rëndësishme.
Sipas tij, në bazë të ligjeve në Kosovës, lejohet që të mbahen edhe në këtë formë, duke e marrë parasysh edhe përqindjen e pjesëmarrjes së votuesve, e që sipas tij edhe nëse është e vogël ato janë valide.
“Zgjedhjet janë e drejt e çdo qytetari, në bazë të ligjit nuk kemi të caktuar me përqindje të pjesëmarrjes, zgjedhjet në veri të Kosovës kanë legjitimet demokratik”, tha ai.
Baraliu, vlerësoi se përkundër marrëveshjeve, duke e marrë parasysh edhe Marrëveshjen e Ohrit, Serbia ende po bën shantazhe dhe nuk po i respekton marrëveshjet e arritura.
Analisti Mazllum Baraliu, tha se me këto zgjedhje në vëri të Kosovës, do të vendoset legjitimiteti dhe legaliteti.
