Bashkimi Evropian ka njoftuar një konferencë donatorësh për të mbledhur fonde për Turqinë dhe Sirinë, teksa të dy vendet vazhdojnë të përballen me shkatërrimet nga tërmeti.
Shefja e bllokut, Ursula von der Leyen, njoftoi konferencën në një deklaratë të përbashkët të mërkurën, pas një telefonate me kryeministrin suedez, Ulf Kristersson.
Sipas deklaratës, ngjarja do të mbahet në mars në Bruksel.
Von der Leyen, e cila është presidente e Komisionit Evropian, theksoi se prioriteti i bllokut tani është të punojë gjatë gjithë kohës për të shpëtuar sa më shumë jetë të jetë e mundur, pasi shumë njerëz janë ende të bllokuar nën rrënoja.
Lexo më shumë Erdogan zbret në zonat e katastrofës, përfshirë edhe epiqendrën e tërmetit
BE tha se operacioni aktual është një nga operacionet më të mëdha të kërkim-shpëtimit të kryera përmes Mekanizmit të saj të Mbrojtjes Civile.
Deri më tani, blloku tha se ka dërguar 31 ekipe kërkimi dhe shpëtimi dhe 5 ekipe mjekësore nga 23 vende, në zonat e prekura në Turqi dhe Siri.
Blloku gjithashtu u zotua t’i sigurojë Turqisë 3 milionë euro ndihmë. Më vete, Siria do të marrë 3.5 milionë euro ndihmë emergjente, raporton CNN.
BE tha se financimi i fundit do të ndihmojë njerëzit në Siri në nevojë për të hyrë në strehim, të kenë ujë dhe infrastrukturë kanalizimesh, gjëra të ndryshme shëndetësore që u nevojiten aktualisht, si dhe për të mbështetur operacionet e kërkimit dhe shpëtimit.
