‘Bordel Ballkan’ vlerësohet pozitivisht në Sarajevë

‘Bordel Ballkan’ vlerësohet pozitivisht në Sarajevë

Teatri Kombëtar i Kosovës ka bërë mirë që ka hyrë në borxh për të mos i dështuar prezantimi në festivalin ndërkombëtar të teatrit “MESS” në Sarajevë të Bosnjë-Hercegovinës.

Kjo pasi shfaqja me të cilën Kosova u prezantua në këtë festival, “Bordel Ballkan”, u prit mjaft mirë nga audienca atje.

Këtë e ka bërë të ditur regjisori boshnjak, Dino Mustafiq, i cili ka thënë se shfaqja me tekst të Jeton Nezirajt e regji të András Urbánit ngazëlleu masën në Sarajevë me ritmin e saj të çmendur, raporton Koha.net.“Me ngazëllim nën ritmin e çmendur, aktorët nga Prishtina realizuan shfaqjen ‘Bordel Ballkan’ drejtuar nga Andras Urban, me tekst të Jeton Nezirajt.

Ishte një punk ballkanik në skenë, energji të njohura dhe fanatizëm skenik të aktorëve shqiptarë. Është mirë t’i shohësh dhe të punosh me ta”, tha Mustafiqi në një postim në Twitter.