Fitore Pacolli nga Lëvizja Vetëvendosje thotë se këto ditë çështje diskutimi do të duhej të ishte jo se kush ka dhe nuk ka të drejtë kandidimi por diçka tjetër.
Pacolli nëpërmjet një postimi në rrjetin social Facebook temë diskutimi do duhej të ishte se Gjykata Kushtetuese nuk e trajtoi me urgjencë kërkesën e partisë ku bën pjesë, njofton Klan Kosova.
“Pse Gjykata Kushtetuese nuk e trajtoi me urgjencë kërkesën e Lëvizjes VETËVENDOSJE, për antikushtetuetshmërinë e pjesëmarrjes dhe të votimit të zotëri Arifi, që e kishte dorëzuar në qershor 2020 por lejoi që vendi të udhëhiqet nga një qeveri jolegjitime për më shumë se 6 muaj?” thotë Pacolli.
Tutje Pacolli renditi edhe disa nga dëmet që sipas saj i janë shkaktuar vendit nga ish-qeveria Hoti.
Postimi i plotë i Pacollit:
Këto ditë çështje diskutimi do të duhej të ishte jo se kush ka dhe nuk ka të drejtë kandidimi por
-Pse Gjykata Kushtetuese nuk e trajtoi me urgjencë kërkesën e Lëvizjes VETËVENDOSJE, për antikushtetuetshmërinë e pjesëmarrjes dhe të votimit të z. Arifi, që e kishte dorëzuar në qershor 2020 por lejoi që vendi të udhëhiqet nga një qeveri jolegjitime për më shumë se 6 muaj?
-Çfarë dëmi i ka shkaktuar qeveria jolegjitime shtetit dhe qytetarëve të Kosovës dhe si mund të riparohen dëmet e bëra dhe kush do të jap përgjegjësi për:
– dëmin politik dhe ekonomik që iu bë Kosovës me heqjen e reciprocitetit me Serbinë;
– dëmin në subjektivitetin ndërkombëtar të shtetit të Kosovës që shkaktuan përmes moratoriumit njëvjeçar për pezullimin e aktiviteteve për anëtarësim në organizatat ndërkombëtare;
– përgjegjësinë që mbanë qeveria Hoti për vjedhjen e 2 milionë euro dhe arkës 300 kilogramëshe;
– për keqmenaxhimin e situatës pandemike dhe kush do të mbahet përgjegjës për humbjen shumë jetëve dhe rrezikimin e shëndetit publik;
– për shfuqizimin e tasks forcës Anti-Korrupsion;
– për ndërprerjen e konceptimit të procesit të vettingut;
– zotimin e kryeministrit jolegjitim për ndarjen e Ujmanit;
…e shumë vendime tjera…
Tani është shumë e qartë. Qëllimi nuk është informimi por mjegullimi i situatës.
Por, popullin nuk ka më barrierë që e ndal e as pykë që e çan!
#QeveriaKurti2
