Kryetari i AAK-së, Ramush Haradinaj, kujton protestat e 11 marsit të vitit 1981, ndërsa shprehet sese studentët ishin ngritur kundër shtypjes jugosllave që dridhen themelet e regjimit të atëhershëm, përcjell Kosova Post.
Tutje tha kreu i AAK-së se rinia heroike shqiptare, e frymëzuar nga ideali i protestuesve të vitit 1981, do shkëlqente në istikamet e Luftës Çlirimtare, e cila e solli fitoren dhe çlirimin.
Për më tepër Haradinaj tha se sot nderojmë ata që i dhanë grushtin shtypjes jugosllave, nderojmë të rënët e atyre ditëve të lavdishme të historisë sonë.
Postimi i plotë i tij në Facebook:
Ishte 11 Marsi i vitit 1981 kur studentët e Universitetit të Prishtinës u ngritën kundër shtypjes jugosllave, duke dridhur themelet e regjimit të atëhershëm.
Sot nderojmë ata që i dhanë grushtin shtypjes jugosllave, nderojmë të rënët e atyre ditëve të lavdishme të historisë sonë.
Rinia heroike shqiptare, e frymëzuar nga ideali i protestuesve të vitit 1981, do shkëlqente në istikamet e Luftës Çlirimtare, e cila e solli fitoren dhe çlirimin.
