Deputetët e Listës Serbe janë paraqitur në seancën e sotme të Kuvendit të Kosovës, vetëm sa për të mos i humbur mandatet e tyre.
E në këtë seancë, ata janë rikthyer pas pesë muajsh mungesë.
Por pasi qëndruan rreth një orë, deputetët e Listës Serbe e kane lëshuar sërish seancën e Kuvendit të Kosovës.
Rikthimi i tyre është përcjellur edhe me debat në mes deputetëve.
Ishte deputeti i Lëvizjes Vetëvendosje, Haki Abazi i cili iu drejtua deputetit të regjistruar si i pavarur, Adem Hoxha me akuza se në Kuvend vjen “veç për para”.
Përpos kësaj, Haki Abazi i është drejtuar Hoxhës duke i thënë se “A po doni t’ia shtini flakën naj kerri”.
Në bazë të rregullores së punës së Kuvendit, një deputet që nuk është prezent në seancë për së paku gjashtë muaj, i humb mandati.
