Deputeti francez, Thomas Portes, ka reaguar ndaj heshtjes së qeverisë në vendin e tij në lidhje me vendimin e Izraelit për të vendosur një bllokadë të plotë në Rripin e Gazës dhe për të pamundësuar hyrjen e energjisë elektrike, ushqimit, ujit dhe karburantit në rajon, transmeton Kosova Post.
Deputeti francez, Portes, publikoi një postim në llogarinë e tij në rrjetin social “X”, duke iu drejtuar kryeministres franceze Elisabeth Borne.
“Izraeli urdhëroi ndërprerjen ‘e menjëhershme’ të furnizimit me ujë në Rripin e Gazës. A nuk do të keni ende asnjë reagim, Elisabeth Borne, a e mbështetni këtë?”, pyeti ai.
Thuhet se deklarata e Portesit është një përgjigje ndaj qeverisë pasi partia e tij u vendos në shënjestër për shkak të deklaratave antiizraelite dhe mbështetëse ndaj Palestinës.
Ministri izraelit i Mbrojtjes Yoav Gallant më herët tha se do të vendosin një bllokadë të plotë në Rripin e Gazës dhe se energjia elektrike, ushqimi, uji dhe karburanti do t’i pamundësohen rajonit.
Ministri izraelit gjithashtu i krahasoi palestinezët me “kafshë”./aa
