Mbrëmë vonë është përfshirë nga flakët restoranti “Guri i Zi”, në fshatin Vollnjak të Klinës.
Si pasojë e zjarrit nuk ka pasur të lënduar, por janë shkaktuar dëme të shumta materiale.
Këtë e ka konfirmuar edhe Policia e Kosovës për rajonin e Pejës.
“Me datë, 16.01.2022, rreth orës 23:20, Policia është informuar se ne fshatin Volljak-Klinë, një lokal është përfshirë nga flakët. Njësitet Policore menjëherë kanë dalë ne vendngjarje, gjithashtu edhe zjarrfikësit të cilët kanë arritur ta lokalizojnë zjarrin, sipas zjarrfikësve, nga zjarri janë shkaktuar dëme materiale të konsiderueshme”.
