Sot shënohet Dita Ndërkombëtare e Personave me sindromën Down. Në Kosovë kjo kategori e qytetarëve po vazhdon të përballet më sfida të shumta. Prindër dhe drejtues të Shoqatës “Down Sindrome Kosova”, kanë bërë të ditur se sfida me e madhe është edukimi, ofrimi i shërbimeve sociale dhe punësimi.
Në Kosovë janë të regjistruar mbi 980 persona me down sindromë.
Si kategori e personave të margjinalizuar në shoqërinë tonë, personat me down sindromë dhe familjarët e tyre vazhdojnë të përballën me sfida të shumta.
Për sfidat më të cilat përballën në edukim këta persona rrëfen për Radio Kosovën, Drita Meta, nëna e një vajze 19 vjeçare me down sindromë.
“Për sa i përket shkollimit, Elita dhe ne si prindër, jemi përballur me shumë sfida. Së pari e ka vijuar kopshtin te“Gëzimi Ynë”, ku me të vërtetë ka qenë një sfidë e madhe. Pastaj, për sa i përket shkollimit gjithashtu ka qenë një sfidë e madhe për t’u regjistruar. Asistente nuk kemi pasur, jemi detyruar ta paguajmë nga buxheti ynë personal. Për shkollën e mesme e kam dërguar në Qendrën Burimore “Përparimi”, dhe prapë sfida vazhdon edhe pse është një shkollë speciale. Edhe pse me ligj në këtë shkollë nuk lejohen me shumë së 5 nxënës në klasë, në klasën e Elitës janë 15 fëmijë më aftësi të kufizuar, ku disa prej tyre janë më aftësi shumë të rënda të kufizuara”, tha ajo.
Ajo në vazhdim rrëfen edhe për sfidat që përballen këta persona për sa i përket punësimit.
“Elita një praktikë e ka përfunduar për 3 muaj. Mandej, edhe për gjashtë muaj i është vazhduar praktika. Por pas ndalimit të financimit nga buxheti i shtetit, nuk i ka ndalur askush të vazhdojnë punën”, tha Meta.
Drejtoresha e Shoqatës “Down Sindrom Kosova”, Sebahate Beqiri, tha së kjo kategori e personave përballët më sfida të shumta. Ajo në një përgjigje për Radio Kosovën tha se edukimi dhe punësimi janë ndër sfidat kryesore.
“Sfidat janë të shumta. Duke filluar nga mungesa e shërbimeve terapeutike mbështetëse, për të cilat kanë nevojë me theks të veçantë fëmijët. Pastaj duke vazhduar në institucionet edukativo-arsimore pasi ende ka sfida brenda tyre si mungesë e profesionistëve të fushës”, tha ajo.
Dita Ndërkombëtare e Personave me Sindromën Down – 21 Marsi, shënohet që nga 19 dhjetor 2011, datë e caktuar nga Asambleja e Përgjithshme e OKB-së.
