Pas një fundsezoni shumë pozitiv dhe një paraqitje të shkëlqyer në Euro 2024 me Turqinë, Arda Güler është sërish në hijen e ‘yjeve’ të Real Madridit. Këtë sezon, ai ka shënuar vetëm një gol dhe ka dhënë tri asistime në 21 ndeshje, ku në shumicën e të tyre ka hyrë nga stoli.
Pavarësisht se emri i tij është lidhur me një huazim në janar, ku José Mourinho po shtyn për një rikthim te Fenerbahçe, Carlo Ancelotti dëshiron ta mbajë 19-vjeçarin, ndërsa Mehmet Ali Güler, gjyshi i mesfushorit, beson se nipi i tij do të vazhdojë të qëndrojë në Spanjë.
“Real Madrid nuk do ta lërë këtë djalë vetëm, nuk do ta bëjë këtë. Arda do të qëndrojë atje deri në vitin e gjashtë të kontratës, por nuk e dimë çfarë do të ndodhë më pas,’ tha ai për mediet turke, duke pohuar se nipi i tij ka potencialin për t’u bërë futbollisti më i mirë në botë dhe ndoshta edhe në histori, duke tejkaluar dy lojtarët me më shumë Topa të Artë.
“I thashë: ‘Bir, ti tashmë je numri një. Turqia të njeh, bota të njeh, të gjithë të njohin,’ por ai dëshiron më shumë se kaq. Ai thotë… ‘Do të jem numri një.’ Ndoshta dëshiron të tejkalojë Ronaldon, Messin dhe të tjerët. Mendoj se do t’ia dalë,’ përfundoi ai.s.n.
