Debati vazhdon të jetë i nxehtë edhe pas shumë vitesh.
Karrierës së Lionel Messit po i vjen fundi dhe shumë njerëz ende po pyesin se kush është më i miri mes tij dhe Diego Armando Maradonës.
Fjalën e tij pak orë më parë e ka thënë edhe Lionel Scaloni. Trajneri i kombëtares së Argjentinës nuk ka dashur të krahasojë dy 10-at më të mëdhenj në histori, edhe pse në fund zgjedhja e tij ra mbi sulmuesin e Inter Miamit, i cili e ndihmoi të fitonte Botërorin në Katar.
“Zgjedh Leon sepse e kam parë dhe e di se si është. Për mendimin tim nuk ka kuptim t’i krahasosh, sepse duhet t’i shijosh. Jam i bindur që të dy mund të kenë qenë lojtarë në vitet ’70, ’80, ’90 dhe madje edhe tani, sepse një lojtar i mirë është gjithmonë një lojtar i mirë”, tha ish-mbrojtësi. rtsh
