Dogana e Republikës së Kosovës ka bërë të ditur se drejtuesi i saj, Agron Llugaliu është takuar me Sekretarin e Përgjithshëm të Organizatës Botërore të Doganave në Bruksel, Kunio Mikuriya, transmeton Kosova Post.
Për këtë ka njoftuar Dogana e Kosovës, përmes llogarisë saj në rrjetin social Facebook.
Ky është njoftimi i plotë nga ky institucion i Republikës së Kosovës
Drejtori i Përgjitshëm i Doganës së Kosovës, është duke qëndruar për vizitë zyrtare në Bruksel, ku u mirëprit në takim nga Sekretari i Përgjithshëm i Organizatës Botërore të Doganave (OBD), Dr. Kunio Mikuriya.
Në këtë takim, Drejtori i Përgjithshëm z.Llugaliu njoftoi Sekretarin e Përgjithshëm të OBD-së, Dr. Kunio Mikuriya, për të arriturat, sukseset si dhe sfidat e Doganës së Kosovës.
Gjithashtu, Drejtori i Përgjithshëm e njoftoi Sekretarin e Përgjithshëm lidhur me planet e ardhshme të Doganës së Kosovës, me qëllim të avancimit të kapaciteteve në të gjitha fushat.
Sekretari i Përgjithshëm i Organizatës Botërore të Doganave Dr. Kunio Mikuriya, vlerësoi angazhimin dhe kontributin e Doganës së Kosovës si anëtare e OBD-së, dhe u diskutua për bashkëpunimin e mëtejshëm.
Dogana e Kosovës është e përkushtuar të avancoj sistemin dhe proceset duke zbatuar meknazimat e OBD-së.
