Dy persona janë arrestuar, pasi që të njëjtit kanë shkaktuar aksident trafiku me një veturë private dhe kanë goditur veturën e Policisë së Kosovës.
Policia thotë se të arrestuar kanë qenë në gjendje të dehur, derisa të njëjtit kanë tentuar të ikin pas urdhrit për ndalim nga njësitë policore.
Gjithashtu, është bërë e ditur se njëri nga të dyshuarit ka sulmuar fizikisht njërin nga zyrtarët policorë.
Ndërkohë, me vendim të prokurorit dy të dyshuarit janë dërguar në mbajtje.
Rasti ka ndodhur pasditen e djeshme në rrugën “Mursel Bllata”, në Vushtrri.
“Janë arrestuar dy të dyshuar meshkuj kosovar pasi që të njëjtit janë ndaluar duke drejtuar automjetin në gjendje të dehur( nën ndikim të alkooli) të cilët në ikje kanë shkaktuar aksident trafiku me një veturë private dhe kanë goditur veturën e policisë. Njëri nga të dyshuarit e ka sulmuar fizikisht njërin nga zyrtarët policor. Me vendim të prokurorit të njëjtit janë dërguar në mbajtje”, thuhet në njoftimin e Policisë së Kosovës.
