Një automjet me targa zvicerane është ndaluar në Bjeshkën e Shtedimit në Pejë dje më 25 tetor, në të ishin dy shtetas malazez, të cilët në Kosovë kishin hyrë përmes rrugëve ilegale.
Policia bën të ditur se gjatë kontrollit të automjetit janë gjetur dhe sekuestruar tri thika, një brisk, një sëpatë, një këllëf i zbrazët si dhe një peshore.
“KALIM I PAAUTORIZUAR I KUFIRIT, Bjeshka e Shtedimit, Pejë 25.10.2024, 19:50. Njësia policore gjatë patrullimit, ka ndaluar një automjet me targa zvicerane të cilën e drejtonte i dyshuari mashkull shtetas i Malit të Zi, si dhe pasagjer i dyshuari mashkull shtetas i Malit të Zi. Të njëjtit kishin hyrë nga territori i Malit të Zi në territorin e Kosovës përmes rrugëve ilegale. Gjatë kontrollit të automjetit janë gjetur dhe sekuestruar tri thika, një brisk, një sëpatë, një këllëf i zbrazët si dhe një peshore. Njëri nga të dyshuarit ka arrit të ikë nga vendi i ngjarjes, ndërsa tjetri është arrestuar dhe i njëjti pas intervistimit me vendim të prokurorit është dërguar në mbajtje”, thuhet në Raportin 24 orësh të Policisë së Kosovës.
