Roma i ka thënë zyrtarisht lamtumirë Paulo Dybala, i cili i ka sheshuar dilemat për të ardhmen e tij dhe do të kalojë tek arabët e Al-Qadsiah.
Këta të fundit janë gati t’i ofrojnë një kontratë shumë të pasur 3-vjeçare me vlerë 75 milionë euro në total. Prandaj, verdhekuqtë, – lexojmë në “Messaggero”, – do të duhet të gjejnë një përforcim të ri për sulmin e Daniele De Rossit.
Emri më “i nxehtë” është gjithmonë ai i Jeremie Boga, ish-anësor i Sassuolos, që Nice e vlerëson rreth 20 milionë euro. Megjithatë, verdhekuqtë po vlerësojnë gjithashtu hipotezën e Domenico Berardi, por shumë do të varet edhe nga gjendja e tij fizike. Ditët e fundit është vlerësuar edhe Cyril Ngonge.
Së fundi, Zhegrova dhe Riquelmente mbeten më në prapavijë, ndërsa Federico Chiesa, “ankandit” për të cilin i është bashkuar së fundi Barcelona, duket se nuk e ngroh më ambientin e skuadrës kryeqytetase.
Megjithatë, Roma ka nevojë edhe për një qendërmbrojtës, një rol ku Djalò dhe Danso duket se kanë më shumë shanse. Nëse edhe Bove do të largohej, romakët mund të kthehen te Prati i Cagliarit, pavarësisht se pëlqejnë gjithashtu Manu Koné, mesfushorin e Borussia Monchengladbach, i cili ndiqet edhe nga Milani.s.n.
