Ministri në detyrë i Shëndetësisë, Armend Zemaj, ka vizituar të shtrirët në Spitalin e Ferizajt të cilët pësuan lëndime pas një shpërthimi në ndodhi në një qendër tregtare në këtë qytet, shkruan Kosova Post.
“Intervenimet e shpejta tona edhe të profesionistëve tanë shëndetësorë kanë qenë në koordinim. Rastet po trajtohen në mënyrë adekuate dhe nuk ka asnjë viktimë”, ka thënë Zemaj.
“Këta pacientë kanë marrë trajtimin e duhur dhe do të bëjmë gjithçka në aspektin institucional që ata që kanë nevojë të trajtohen edhe jashtë vendit”.
Ky është statusi i tij i plotë:
Spitali i Ferizajt, emergjenca e qytetit, policia, zjarrfikësit dhe qytetarët, kanë dëshmuar nivel të lartë të përkujdesjes ndaj dhjetëra të plagosurve pas eksplodimit të gazit në Ferizaj.
Ky trajtim në Spitalin e Ferizajt dhe në Qendrën Emergjente në QKUK, ndaj qytetarëve të lënduar deri më tani është në nivelin maksimal.
Së bashku me kryetarin z.Agim Aliun, zv.ministrin z. Muharrem Sfarqa dhe deputeten znj. Saranda Musliu, kemi diskutuar për të gjitha mundësitë e përkujdesjes shëndetësore që gjendja e secilit qytetar të jetë në nivelin e duhur dhe të bëjmë çmos që të mos rrezikohet jeta e asnjë qytetari të lënduar sot në Ferizaj.
