Kryetari i Bordit të Portit “Luka Bar” në Malin e Zi, Millosh Ostojiq ka publikuar mesazhe nacionaliste në rrjetet sociale duke bërë thirrje për persekutim, njofton Kosova Post.
Ai i quajti, siç shprehet ai, “vëllezërit e tij serb dashamirës të Krishtit në luftën kundër shqiptarëve dhe boshnjakëve me persekutim”.
Ja postimi i tij në rrjetet sociale!
Në dy postime në rrjetin social janë bërë një sërë fyerjesh ndaj shqiptarëve dhe boshnjakëve dhe Islami është quajtur fe e rreme.
“Vëllezër dashamirës të Krishtit, përgatituni për spastrim etnik!
Premtimi që na lanë të parët po na thërret. Ka ende dritë në ditë për të luftuar errësirën dhe injorancën”, thuhet në fund të një prej mesazheve.
Është e turpshme që policia dhe Prokuroria të mos reagojnë, dhe sipas burimeve të Kosova Post, ky ekstremist ka kohë që kryen akte të urrejtjes fetare dhe kombëtare në rrjetet sociale.
Është edhe më e turpshme që policia e menaxhuar nga partia URA nuk reagon, URA, e cila është parti qytetare dhe e cila sapo u votua nga një numër i madh boshnjakësh dhe shqiptarëve./KosovaPost/.
