Sot është Dita Ndërkombëtare e Nelson Mandelës, ndërsa këtë ditë e kujton edhe Eulex.
Nga EULEX-i në Kosovë theksojnë se Nelson Mandela e ndryshoi shekullin e 20-të dhe ndihmoi në formësimin e shekullit të 21-të me besimin e tij të thellë në barazinë dhe dinjitetin e të gjitha qenieve njerëzore, pavarësisht gjinisë, kombësisë, racës apo statusit.
“Për herë të parë Dita e Mandelës e OKB-së u mbajt më 18 korrik 2010. Angazhimi i tij për drejtësi, të drejta të njeriut dhe liritë themelore ndikojnë në jetën e përditshme të personave të burgosur, ndërsa shërbimet e burgjeve në mbarë globin inkurajohen që t’u përmbahen Rregullave Standarde Minimale të Kombeve të Bashkuara për Trajtimin e të Burgosurve, të njohura si “Rregullat Nelson Mandela” për ta nderuar trashëgiminë e tij”, thuhet në njoftimin e EULEX-it.
Tutje, thotë se “në përputhje me mandatin e tij, EULEX-i në Kosovë punon çdo ditë për ta promovuar zbatimin e Rregullave Nelson Mandela nga autoritetet e Kosovës”.
