Ministri i Mbrojtjes, Ejup Maqedonci, ka uruar suksese për ushtarët e Forcës së Sigurisë së Kosovës që po marrin pjesë në garën për Luftëtarin më të mirë, garë e cila po mbahet në shtetin e Iowa-s, përcjell Kosova Post.
Ndërsa ka përshëndetur dhe uruar ushtarët e FSK-së ministri Maqedonci bën të ditur se ushtarët dhe nënoficerët më të aftë do të përzgjidhen përmes një sërë testesh, duke theksuar qëndrueshmërinë, forcën dhe aftësitë
Postimi i plotë i Maqedoncit në Facebook:
Konkursi i Luftëtarit më të mirë (Best Warrior) 2024 të Shtetit të Iowa-s po zhvillohet këtë fundjavë në Camp Dodge, Iowa. Ushtarët dhe nënoficerët më të aftë do të përzgjidhen përmes një sërë testesh, duke theksuar qëndrueshmërinë, forcën dhe aftësitë. Fituesit nga shtete të ndryshme, përfshirë Kosovën, do të garojnë në Iowa për herë të parë në shtatë vjet.
Suksese ushtarakëve garues të FSK-së dhe fitoftë më i miri!
