E mërkura do të shënojë një nga përballjet më të forta në futboll. Gjermania do të jetë përballë Italisë në “San Siro” në çerekfinalet e National League, ndërsa ecuria e tyre do të vendos se kë do të kenë përball në botëror
Italia dhe Gjermania, dy nga kombëtaret më të mëdha në historinë e futbollit, do të përballen përsëri në një duel me shumë peshë tw mwrkurwn. Pas përplasjeve epike si gjysmëfinalja e paharrueshme e Botërorit 1970 ku rezultati doli 4-3 për Italinë dhe finalja e fituar nga “Azzurrwt” në 1982, dy ekipet rikthehen në San Siro për t’u sfiduar në çerekfinalet e Nations League.
Ndeshja e kthimit do të jetë në 23 mars në Dortmund.
Përtej objektivit të qartë për të arritur në Final Four të Torino 2025, këto dy sfida kanë ndikim të drejtpërdrejtë në rrugëtimin e Italisë drejt Kampionatit Botëror 2026.
Me shortin e dhjetorit që ka përcaktuar dy skenarë të ndryshëm, fati i “Azzurrëve” varet nga rezultati kundër Gjermanisë.
Nëse Italia kualifikohet për në Final Four, atëherë do të vendoset në grupin A të kualifikimeve, me Slovakinë, Irlandën e Veriut dhe Luksemburgun. Një grup më i lehtë, si nga niveli i kundërshtarëve ashtu edhe për shkak të numrit më të vogël të ndeshjeve.
Nëse eliminohet, Italia do të përfundojë në grupin I, së bashku me Norvegjinë, Izraelin, Estoninë dhe Moldavinë. Me emra si Erling Haaland dhe Martin Odegaard, Norvegjia bëhet një rival shumë i rrezikshëm për vendin e parë – i vetmi që garanton kualifikimin direkt dhe shmang skenarin e frikshëm të playoff-it.
Nëse Italia kalon Gjermaninë, në gjysmëfinale do të përballet me Danimarkën ose Portugalinë. Në anën tjetër të shortit, do të sfidohen Holanda-Spanja dhe Kroacia-Franca, shkruan oranews.al.Tshmë tifozët e futbollit presin një tjetër duel të zjarrtë mes dy kombëtareve legjendare.
