Gjermania ka regjistruar mbi 50 mijë raste të reja të koronavirusit të ri (COVID-19), shifër më e lartë ditore që nga shpërthimi i pandemisë, transmeton Kosova Post.
Instituti Robert Koch (RKI), agjencia e kontrollit të sëmundjeve në vend, konfirmoi 50.196 raste të tjera me COVID-19. Virusi po ashtu mori jetën e 235 personave të tjerë, duke shënuar ditën e dytë radhazi që viktimat kaluan shifrën 200, shkruan AA.
Numri i rasteve aktive me COVID-19 është rritur 364.400, një kulm i ri në valën e katërt aktuale të pandemisë.
Rastet e reja janë rritur ndjeshëm javët e fundit në rajonet lindore Saxony dhe Thuringia që kanë shkallën më të ulët të vaksinimit midis 16 shteteve federale gjermane.
Javën e kaluar, RKI paralajmëroi se infeksionet në Gjermani duket se po rriten pasi njerëzit gjatë muajve të ftohtë kalojnë më shumë kohë në ambiente të mbyllura dhe një numër i madh i tyre mbeten të pa vaksinuar.
Deri më tani 55,9 milionë persona ose 67,3 për qind janë vaksinuar plotësisht kundër COVID-19.
Qëllimi i qeverisë është të vaksinojë të paktën 75 për qind të popullsisë për të parandaluar një rritje eksponenciale të infeksioneve të reja gjatë muajve të vjeshtës dhe dimrit.
