Një person ka ndërruar jetë në Gjilan pasi është goditur nga një veturë.
Policia njofton se viktima është dërguar në QKUK për shkak të lëndimeve të rënda trupore, por aty ka ndërruar jetë.
Sipas policisë me vendim të prokurorit I dyshuari që e goditi këmbësorin është dërguar në mbajtje.
“Është arrestuar i dyshuari mashkull kosovar pasi që i njëjti duke drejtuar automjetin dyshohet se nga pakujdesia në vendkalim të këmbësorëve ka goditur këmbësorin viktimë mashkull kosovar të cilit i ka shkaktuar lëndime të rënda trupore. Viktima pasi është dërguar në QKUK ka ndërruar jetë, vdekjen e të cilit e ka konfirmuar ekipi mjekësor. Me vendim të prokurorit, trupi i pajetë është dërguar në IML për obduksion, ndërsa i dyshuari është dërguar në mbajtje”, thuhet në raportin 24 orësh të Policisë së Kosovës.
