Një kongresmene amerikane ka rënë pre e një grabitje. Asaj i është rrëmbyer makina dhe sendet e saj nën kërcënimin e armës gjatë një grabitjeje makine në qytetin e Filadelfias.
Telefoni dhe ID e qeverisë së Mary Gay Scanlon ishin ndër sendet që morën dy grabitësit. Demokratja nuk u lëndua, tha zyra e saj.
FBI po ndihmon në kërkimin e sulmuesve.
Ashtu si shumë qytete amerikane, Filadelfia ka parë një rritje të krimeve të dhunshme gjatë vitit të kaluar.
Në një deklaratë, kryetari i bashkisë së qytetit Jim Kenney, një demokrat, e quajti grabitjen, e cila ndodhi në orën 14:45 me orën lokale të mërkurën, “të tmerrshme”.
Dy sulmuesit meshkuj i zunë pritë Scanlon pasi vizitoi FDR Park në Filadelfian jugore, pjesë e distriktit të saj të kongresit, dhe po ecte e vetme me Acura MDX e saj të 2017.
Ajo kishte qenë atje për një takim pune, tha zyra e saj.
Një SUV me ngjyrë të errët u afrua dhe dy meshkuj të armatosur dolën prej saj dhe i kërkuan kongresmenes çelësat dhe gjërat e saj.
“Ajo është Philly e ashpër kështu që unë e di se ajo do të jetë mirë!” shkruajti në Tëitter kolegu i tij, kongresmeni demokrat nga Filadelfia, Brendan Boyle.
Filadelfia ka dëshmuar një rritje prej 80% të vjedhjeve të makinave në vitin 2021, sipas CBS News .
Grabitjet me armë janë rritur me 27% krahasuar me vitin 2020 në vendin e njohur si Qyteti i Dashurisë Vëllazërore.
Filadelfia ka parë gjithashtu një rekord 544 vrasjesh këtë vit, nga 347 në të gjithë vitin 2019, sipas Wall Street Journal.